MENNESKE OG MAKTENE gir eit monumentalt bilete av menneske i kamp med både naturkrefter, overnaturlege makter og makter i deira indre. Boka skildrar stormfloda som skyl inn over Øyvære ei natt og tek fleire menneskeliv. Vi får og høyre forhistoria til kvar einskild av hovudpersonane. Ulike vanskar har dei hatt å stri med, så som religiøse kriser, kjærleik og driftsliv, sorg og tap, ambisjonar og vonbrot. Dei som kan godta seg sjølve og livsvilkåra slik dei er, står sterkast når motgangen og katastrofen rammar dei.
“MENNESKE OG MAKTENE er ein mesterroman, kva synsstad ein ser boka frå, fullkomen i sin artistiske komposisjon, frisk og blank i sin stil, djup i sin psykologi, merkeleg som det tidsdokument han er. Her møter ein i grunnen heile Duun: humoren, ironien, alvoret, livsviljen, hjartelaget, den djupe vyrnaden for livet og menneske,” skriv Rolv Thesen.
